Sumqayıt tələbəsi sərbəst güləş üzrə yarışlarda uğurla çıxış edib. Sumqayıt24 bu barədə 19 noyabr tarixində Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinə istinadən xəbər verir.
Turnir şəhid Orxan Salehovun əziz xatirəsinə həsr olunub. Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin 1-ci kurs tələbəsi İlqar Abdullayev yeniyetmələr arasında keçirilən turnirdə 2-ci yerə layiq görülüb. O, 80 kq çəki dərəcəsində mübarizə aparıb.
8 Noyabr - Zəfər Gününə həsr olunmuş yarışda 2008-2010-cu il təvəllüdlü idmançılar arasında rayonlararası turnirdə isə İlqar 3-cü yeri tutub. O, Şamaxı rayon Gənclər və İdman İdarəsi tərəfindən diplomla təltif edilib.
