Vaqif Cavadov hazırda Premyer Liqada ən az maaş alan məşqçidir.
Sportinfo.az-ın məlumatına görə, “Sumqayıt” futbol klubunun çalışdırıcısı 7000 manat əməkhaqqı alır. Gənc mütəxəssis ilin sonunadək bu qədər məvaciblə kifayətlənəcək. Həm gələcəyi, həm də qazanacağı pul onun özündən asılıdır.
Komanda uğurlu nəticələr əldə etsə, o, baş məşqçi səlahiyyətlərinin müvəqqəti icraçısı statusundan qurtulacaq və yeni müqavilə imzalanacaq. Belə olan halda, maaşı da nəzərəçarpacaq qədər artırılacaq.
