Sumqayıt idmançısı Aynur Mikayılova Azərbaycanın idman tarixinə düşüb.
Sumqayit24.az xəbər verir ki, Monteneqronun Budva şəhərində boks üzrə gənclər arasında dünya birinciliyi keçirilib. Yığma komandanın tərkibində 57 kq çəki dərəcəsində çıxış edən Aynur Mikayılova bürünc medal qazanıb.
İndiyədək ölkəmizin heç bir qız boksçusu dünya birinciliyində bu mərhələyədək irəliləməyib. Onun qazandığı medal isə boks tariximizə qızlardan ibarət yığmanın ilk mükafatı kimi düşüb.
Qeyd edək ki, idmançının məşqçisi Azərbaycan Respublikasının Əməkdar məşqçisi Anar Baxışovdur.
