"Sumqayıt"ın braziliyalı futbolçusu Dieqo Karioka “Qarabağ”la oyundan danışıb. Sumqayıt24 bu haqda 15 mart tarixində Report.az-a istinadən xəbər verir.
Ölkəsinin mətbuatına açıqlama verən idmançı bildirib ki, komanda rəqibdən asılı olmayaraq, istənilən rəqiblə oyuna hər zaman ciddi, diqqətli və ən yaxşı şəkildə hazırlaşır. Amma çempionatın lideri ilə görüş fərqli hisslər oyadır.
"Rəqibə hörmət edirik. Lakin qarşıya qoyulan hədəfdən ayrılmamaq şərti ilə öz oyunumuzu göstərməyə çalışacağıq. Bu matçdan müsbət nəticə ilə ayrılmalı olduğumuzu başa düşürük", - deyə 25 yaşlı Dieqo vurğulayıb.
Zədədən sonra 2 oyun keçirdiyini xatırladan vinger özünü yaxşı hiss etdiyini, daha çox ritmdə olmaq üçün məşq etdiyini, mövsümün son hissəsində “Sumqayıt”a kömək etmək üçün daim inkişaf etməyə çalışdığını qeyd edib.
Xatırladaq ki, "Sumqayıt" bu gün Premyer Liqanın 27-ci turu çərçivəsində “Qarabağ”ı qəbul edəcək.
