Sumqayıtda böyüklər arasında cüdo üzrə şəhər çempionatı keçiriləcək. Sumqayıt24 bu barədə 16 noyabr tarixində Cüdo Federasiyasına istinadən xəbər verir.
Qadınlar və kişilər arasında keçiriləcək yarışda Sumqayıt şəhərindən olan 10 klub, cəmiyyət və idman təşkilatından 122 (112 kişi, 10 qadın) cüdoçu medallar uğrunda mübarizə aparacaq. Turnirin əsas məqsədi cari ilin 2-5 dekabrında keçiriləcək Azərbaycan çempionatına namizədlərin seçimidir.
Yarış noyabrın 17-si Sumqayıt şəhər Olimpiya İdman Kompleksində baş tutacaq.
