Gövhər Beydullayeva ilin ən yaxşı qadın idmançısı seçilib. Sumqayıt24 bu haqda Gənclər və İdman Nazirliyinə istinadən xəbər verir.
İdman Araşdırmalar Mərkəzinin "İlin Qalibləri - 2022" layihəsi üzrə "Qızıl onluq" adlı mükafatlandırma mərasimi keçirilib. Sorğuya 54 KİV nümayəndəsi qatılıb. Onlar tərəfindən “İlin ən yaxşısı” seçilən şahmatçının mükafatını gənclər və idman naziri Fərid Qayıbov təqdim edib.
G. Beydullayeva Azərbaycan şahmat tarixində 20 yaşlılar arasında dünya çempionu olan ilk qadın şahmatçıdır. O, Sumqayıt təhsilinə xüsusi imzasını atmış, illərlə 5 nömrəli məktəbə rəhbərlik etmiş ziyalı insan, şair-publisist və filoloq Ömürşah Beydullayevin nəvəsidir.
