Sumqayıt şahmatçıları rapid və blits üzrə dünya çempionatına qatılıblar. Bu barədə Sumqayıt24 27 dekabr tarixində xəbər verir.
Dekabrın 30-na kimi davam edəcək çempionat Qazaxıstanın Almatı şəhərində təşkil olunub. İlk gündə rapid növündə beş tur keçirilib. Kişilərdən ibarət yığmanın tərkibində çıxış edən Şəhriyar Məmmədyarov yarışa 3 qələbə, 2 heç-heçə ilə başlayıb; Vasif Durarbəyli isə oyunları 1 qələbə, 3 heç-heçə ilə bitirib.
Mükafat fondu 1 milyon ABŞ dolları olan turnirdə 258 qrosmeyster yarışır.
