Kişi şahmatçılardan ibarət Azərbaycan milli komandası ilə görüş keçirilib. Bu haqda 30 iyul tarixində Sumqayıt24 Şahmat Federasiyasına istinadən məlumat verir.
Ümumdünya Şahmat Olimpiadası qabağı təşkil olunan yığıncaqda milli komandanın üzvləri, sumqayıtlı qrosmeyster Şəhriyar Məmmədyarov ilə yanaşı, Nicat Abasov, Aydın Süleymanlı, Məhəmməd Muradlı və kapitan Teymur Rəcəbov iştirak ediblər. Ölkə xaricində olan Rauf Məmmədov toplantıya videobağlantı vasitəsilə qoşulub. Görüş zamanı fərdi qaydada hazırlaşan şahmatçıların fikirləri dinlənilib, yarışla bağlı mühüm məsələlər müzakirə edilib.
Olimpiada 10-23 sentyabr tarixlərində Macarıstanda keçiriləcək.
