Sumqayıt şahmatçı Şəhriyar Məmmədyarov qrosmeyster Nicat Abasov haqqında fikirlərini bölüşüb. Bu haqda 16 aprel tarixində Sumqayıt24 xəbər verir.
Bununla bağlı beynəlxalq qrosmeyster Şəhriyar Məmmədyarov öz İnstagram hesabında paylaşım edib.
Paylaşımda Məmmədyarov Kanadanın Toronto şəhərində İddiaçılar Turnirində iştirak edən Abasovun gözəl şahmatçı olduğunu bildirib: "Belə turnirdə ölkəmizi təmsil etdiyin üçün böyük təşəkkürlər. Nicat bacardığını edir, bu, gözəldir. Bu yarışda məğlubiyyət ağır olur. Sonadək inanırıq və bir gözəl qələbə gözləyirik. Sənin yanında olmaq xoşdur. Uğurlar".
Qeyd edək ki, Nicat Abasov X turdan sonra 3 xalla sonuncu - 8-ci pillədə qərarlaşıb.
