Yeni transferlər uyğunlaşma problemləri yaşayır.
Sumqayıt24 xəbər verir ki, bunu "Sumqayıt"ın məşqçisi Samir Abasov "Araz-Naxçıvan"la matçdan sonra deyib. 46 yaşlı mütəxəssis məğlubiyyətə görə məyus olduqlarını bildirib:
"Matç elə formada gedirdi ki, sanki ya heç-heçə olacaq, ya da qol vuran udacaq. Meydanda mübarizə var idi. Çalışdıq ki, geri düşəndən sonra oyunu ələ alaq. Ötən il də vəziyyətimiz bu cür idi. Yeni transferlər uyğunlaşma problemləri yaşayır. Yəqin ki, milli fasilə bizə kömək olacaq. Üzərimizdə çalışıb, daha yaxşı vəziyyətə gələcəyik. Qarşıdakı oyunlara baxacağıq".
Xatırladaq ki, Premyer Liqanın 5-ci "Sumqayıt" doğma meydanda "Araz-Naxçıvan"a minimal hesabla uduzub.
