“Sumqayıt”ın baş məşqçisi “Fehervar”la oyundan danışıb. Sumqayıt24 bu haqda 26 iyul tarixində xəbər verir.
UEFA Konfrans Liqasının II təsnifat mərhələsinin ilk matçı macarların 2:1 hesablı qələbəsi ilə yekunlaşıb. Səbuhi Abdullazadə 20-ci dəqiqədə "Sumqayıt"ı önə çıxarıb. 33-cü dəqiqədə hakim Murad Xaçayevi qırmızı vərəqə ilə cəzalandırıb. 39-cu və 52-ci dəqiqələrdə isə "Fehervar"ın oyunçuları fərqləniblər.
Cavab görüşü 31 iyul Macarıstanda baş tutacaq.
Samir Abasov mətbuat konfransında bildirib ki, oyunun başlanğıcında aldıqları qırmızı kart bütün planlarını pozdu:
“Mərhələ iki oyundan ibarətdir. Cavab qarşılaşması bundan da çətin olacaq. Səhvlərimiz üzərində çalışıb, futbolçuları növbəti oyuna kökləyəcəyik. Qırmızı vərəqə olmasaydı, fərqli nəticə görə bilərdik. Oyunçuları inandırmalıyıq ki, səfərdə qələbə qazana bilərik".
