“Sumqayıt” futbol klubunun oyunçusu əsas komandadan kənarlaşdırılıb. Sumqayıt24 bu barədə 17 noyabr tarixində Sportinfo.az-a istinadən xəbər verir.
Klubun baş məşqçisi Samir Abasov 30 yaşlı yarımmüdafiəçi Araz Abdullayevin xidmətindən imtina edib. Çalışdırıcının göstərişi ilə futbolçu son məşqlərə də buraxılmayıb.
Abasovu narazı salan futbolçunun məşqlərə etinasız yanaşması, verilən tapşırıqları yerinə yetirməməsidir.
Komandanı Premyer Liqanın son yeddi turunda meydana çıxaran baş məşqçi bu müddətdə Araza əsas heyətdə yer verməyib.
O, 5 oyunda sonradan meydana daxil olub və ən yaxşı halda, 5-10 dəqiqə oynayıb. “Şamaxı” ilə sonuncu tur matçında isə Abdullayevin adı iştirak ərizəsinə salınmayıb.
