“Sumqayıt”ın baş məşqçisi Samir Abasova verilən 5 oyunluq cəza dəyişdirilib. Sumqayıt24 bu haqda 25 noyabr tarixində AFFA-ya istinadən xəbər verir.
Apellyasiya Arbitraj Tribunalı klubumuzun apellyasiya şikayətini qismən təmin edib. Qərara əsasən, çalışdırıcı 2 matç komandanın yanında ola bilməyəcək. Qalan 3 oyunluq kənarlaşdırma cəzası isə şərti olaraq tətbiq edilib.
Həmçinin Abasova sınaq müddəti təyin edilib. O, 3 ay ərzində pozuntuya yol verərsə, 3 oyunluq kənarlaşdırma cəzası da qüvvəyə minəcək.
Qeyd edək ki, "Sumqayıt" FK barəsində verilən 4000 manatlıq cərimə cəzası qüvvədə qalıb.
