Xırdalanda "8 noyabr- Zəfər Günü"nə həsr olunmuş voleybol üzrə ümumtəhsil müəssisələri arasında Abşeron rayon kuboku keçirilib.
Sumqayit24.az xəbər verir ki, turnir 3 saylı tam orta məktəbdə baş tutub. Gərgin və maraqlı idman mübarizəsi şəraitində keçən yarışda Saray 3 saylı məktəb 1-ci, Saray 2 saylı məktəb 2-ci, Aşağı Güzdək məktəbi isə 3-cü yeri tutub. Qalib komandalar diplom və medallarla təltif olunub.
Qeyd edək ki, yarış Abşeron-Xızı Regional Gənclər və İdman İdarəsinin və Abşeron - Xızı Regional Təhsil İdarəsinin birgə təşkilatçılığı ilə reallaşıb.
