“Sumqayıt” futbol klubu AFFA İntizam Komitəsi tərəfindən cərimə olunub. Sumqayıt24 bu barədə pfl.az-a istinadən xəbər verir.
Misli Premyer Liqasının 13-cü turunda komandamız “Neftçi” ilə qarşılaşıb. Komitənin qərarına əsasən, stadionda suyun təzyiqi olmadığına və futbolçuların sudan normal istifadə edə bilmədiklərinə görə “Sumqayıt” klubu 800 manat cərimə edilib. Klubumuzun baş məşqçisi Samir Abasov oyunun rəsmi şəxsini təhqir etdiyinə görə klub 4000 manat ziyana düşüb. Abasov isə 5 oyunluq diskvalifikasiya olunub.
Qeyd edək ki, "ağ-qaralar" stadiona gecikdikləri üçün klub 800 manat cəzalandırılıb.
