Sumqayıtlı cüdoçular medallar qazanıblar.
Sumqayit24.az xəbər verir ki, cüdo üzrə U-17 yeniyetmələr arasında Liqa yarışının IV turu başa çatıb.
Abşeron Olimpiya İdman Kompleksində keçirilən yarışın sonuncu günündə daha 8 çəki dərəcəsində medalçılar bəlli olub.
İki gün davam edən turnirdə 91 klub və idman cəmiyyətindən 721 idmançı (581 oğlan, 140 qız) mübarizə aparıb.
Qeyd edək ki, bu, U-17 Liqa yarışlarının son turu idi. Turnirin yekununda idmançıların reytinq siyahısı formalaşıb.
Yarışda medal qazanan sumqayıtlı cüdoçuları təqdim edirik.
Belə ki, qızlardan - Arzu Rəşidova (Sumqayıt şəhəri İOEUGİM, 70 kq ) birinci yerə, Ayan Həsənli (Sumqayıt şəhəri 2 nömrəli UGİŞM, 44 kq) üçüncü yerə, oğlanlardan - Fərid Xudiyev (Sumqayıt şəhəri 1 nömrəli İOEUGİŞM, 55 kq), Hüseyn Hüseynli (Sumqayıt şəhəri 2 nömrəli UGİŞM, 90 kq) üçüncü yerə layiq görülüb.
