“Sumqayıt” – “Fehervar” oyunundan öncə mətbuat konfransları və açıq məşqlər keçiriləcək. Sumqayıt24 bu haqda 22 iyul tarixində xəbər verir.
Əvvəlcə saat 17:30-da rəqib komandanın baş məşqçisi Tamaş Peto və bir futbolçu media mənsubları önünə çıxacaqlar. Saat 18:30-da isə Mehdi Hüseynzadə adına Stadionda “Fehervar”ın oyunöncəsi son məşqi (ilk 15 dəqiqəsi media nümayəndələrinə açıq) keçiriləcək.
Həmin gün saat 19:30-da “Sumqayıt”ın baş məşqçisi Samir Abasov və kapitanı Vüqar Mustafayevin də mətbuat konfransı olacaq. 20:00-da isə komandamız oyunöncəsi son məşqinə (ilk 15 dəqiqəsi media nümayəndələrinə açıq) çıxacaq.
Media mənsubları akkreditasiyalarını 24 iyul saat 11:00-dan etibarən stadionun mətbuat konfransı zalından götürə bilərlər.
Xatırladaq ki, komandalar UEFA Konfrans Liqasının 2-ci təsnifat mərhələsində qarşılaşacaq. İlk oyun 25 iyul saat 20:00-da Sumqayıtda baş tutacaq.
