Sumqayıt" – "Fehervar" qarşılaşmasına biletlər satışa çıxarılıb. Sumqayıt24 bu haqda 15 iyul tarixində xəbər verir.
Biletləri iTicket.az, 1 saylı Sumqayıt “ASAN Xidmət” mərkəzi, iyulun 20-dən isə Mehdi Hüseynzadə adına stadionun kassasından almaq mümkün olacaq. Qiymət sektorlardan asılı olaraq, 5, 10 və 25 manat arasında dəyişir.
Xatırladaq ki, futbol klubları UEFA Konfrans Liqasının II təsnifat mərhələsində üz-üzə gələcək. İlk matç 25 iyul saat 20:00-da Sumqayıtda keçiriləcək.
