“Sumqayıt” FK-nın məşqində 20 Yanvar şəhidləri yad ediliblər. Bu barədə 20 yanvar tarixində Sumqayıt24 xəbər verir.
Məşq “Kapital Bank Arena”nın ehtiyat meydançasında keçirilib. Təlimdən əvvəl 20 Yanvar hadisələrinin 33-cü ildönümü ilə əlaqədar olaraq, şəhidlərimizin ruhu 1 dəqiqəlik sükutla anılıb. Baş məşqçimiz Samir Abasov 20 Yanvar hadisələri haqqında futbolçularımıza məlumat verib. Təxminən 1.5 saat davam edən məşq prosesində əvvəlcə fiziki gücün artırılması yönündə hərəkətlər, daha sonra isə topla müxtəlif çalışmalar icra edilib.
