"Sumqayıt" Futbol Akademiyasında “İstedad Proqramı” layihəsi davam edir. Sumqayıt24 14 mart tarixində xəbər verir.
Bu mərhələdə U-12-dən U-15-dək olan komandalarda fərqlənən 12 futbolçu iştirak edir. Layihənin ilkin mərhələsinə isə ötən il U-15, U-16, U-17 və U-19 kollektivlərinin aparıcı üzvləri qatılmışdı.
Bazar ertəsi günləri keçirilən proqram 4 modul üzrə mövsümün sonuna qədər sürəcək. Futbolçular üçün həftədə bir dəfə ingilis dili keçilir. Onlar fərdi məşqlərlə yanaşı, fiziki göstəricilərin artırılması yönündə xüsusi çalışmalar, öz oyunlarının videoanalizləri, texniki məşqlər və şahmat oyunlarına da cəlb edilirlər.
Məşqlərdə özlərini yaxşı tərəfdən göstərən digər idmançılar da bu layihəyə qatıla biləcəklər.
