Aerobika gimnastikası üzrə 8-ci ölkə birinciliyi, Bakı çempionatı və paytaxt birinciliyi keçiriləcək.
Sumqayit24.az xəbər verir ki, yarışlar noyabrın 1-2-də Heydər Əliyev adına İdman-Konsert Kompleksində təşkil olunacaq. Burada “Ocaq Sport” klubu və Sumqayıt Olimpiya İdman Kompleksindən 76 gimnast mübarizə aparacaq.
Qeyd edək ki, idmançılar uşaqlar (2013-2015), yeniyetmələr (2009-2011-ci il), gənclər (2006-2008-ci il) yaş kateqoriyalarına uyğun fərdi və üçlük proqramda çıxış edəcəklər.
