Sumqayıtın idman gimnastları kişilər arasında 29-cu, qadınlar arasında 8-ci Azərbaycan çempionatı və birinciliyində mübarizə aparıblar.
Sumqayit24.az xəbər verir ki, iki gün davam edən turnirdə müxtəlif yaş kateqoriyaları üzrə gimnastlar mübarizə aparıblar.
Yarışda “Ocaq” Sport Klubu (Bakı və Sumqayıt bölmələri), Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman Şahmat Məktəbi, Sumqayıt Olimpiya Kompleksi və Balakən Olimpiya İdman Kompleksindən ümumilikdə 50 idmançı bacarığını göstərib.
Turnirin birinci günündə gimnastlar fərdi çoxnövçülük üzrə, ikinci gündə isə ayrı-ayrı alətlərdə (dayaqlı tullanma, müxtəlif hündürlüklü qollar, gimnastika tiri, sərbəst hərəkətlər) çıxışlar sərgiləyiblər.
Sonda hər kateqoriya üzrə qalib olan gimnastlar mükafatlandırılıblar.
