Güləş üzrə Azərbaycan çempionatına yekun vurulub. Sumqayıt24 bu haqda 24 dekabr tarixində Güləş Federasiyasına istinadən xəbər verir.
Yarış Bakı İdman Sarayında keçirilib. Sumqayıt idmançısı Cavidan Əhmədov (70 kq) 1/4 finalda Ramiz Həsənovu (MOİK) 8:2, yarımfinalda isə Murad Yevloyevi (AGF) 2:1 hesabı ilə məğlub edib. Finalda Maqomed-Başir Xaniyevin (AGF) rəqibi olan Cavidan 11:0 uduzaraq gümüş medalla kifayətlənib.
Qeyd edək ki, digər güləşçimiz Əşrəf Kərimzadə (61 kq) 1/4 final mərhələsində Ayxan Abdullazadəyə (Göygöl) 0:6 hesabı ilə məğlub olub.
