Sumqayıt güləşçiləri medallar qazanıblar.
Sumqayit24.az xəbər verir ki, 16 noyabr tarixində Abşeron Olimpiya İdman Kompleksində yeniyetmə və böyüklər arasında kəmər güləşi üzrə ölkə çempionatı keçirilib.
Yarışda müxtəlif klub, cəmiyyət və idman təşkilatlarından idmançılar medallar uğrunda mübarizə aparıblar. Yarışın qalibləri arasında sumqayıtlılar da var.
Belə ki, yeniyetmələr arasında keçirilən yarışda 60 kq çəki dərəcəsində Murad Mehtiyev 1-ci yerə çıxıb. Böyüklərin mübarizəsində isə 60 kq çəki dərəcəsində 1-ci yeri Ülvi Rzayev, 3-cü yeri isə Əli Həsənov tutublar.
Güləşçilərimizi təbrik edir, bundan sonrakı fəaliyyətlərində uğurlar arzulayırıq!
