“Qəbələ” - “Sumqayıt” oyunundakı insidentlə bağlı qərar verilib. Sumqayıt24 bu barədə 23 sentyabr tarixində Affa.az-a istinadən xəbər verir.
Premyer Liqa çərçivəsində baş tutan matç zamanı meydan sahiblərinin azarkeşləri hakim Elçin Məsiyevi təhqir ediblər. Nəticədə “Qəbələ” klubu AFFA İntizam Komitəsi tərəfindən 4000 manat cərimə olunub. Həmçinin "qırmızı-qaralar"ın yarımmüdafiəçisi Rövlan Muradov birbaşa qırmızı vərəqə ilə meydandan qovulduğu üçün komanda 1600 manat cərimə ödəyəcək.
Qeyd edək ki, “kimyaçılar” bu oyunda minimal hesabla məğlub olublar.
