“Sumqayıt” futbol klubu qışda bir neçə oyunçunu yola salmağı planlaşdırır.
Futbolinfo.az-ın məlumatına görə, sabiq baş məşqçi Samir Abasovun istəyi ilə transfer edilən bəzi legionerlər komandadan ayrılacaq. Klub prezidenti Riad Rəfiyev xüsusilə Nikola Vuynoviçdən narazıdır. Müvəqqəti baş məşqçi Vaqif Cavadovun güvənmədiyi 27 yaşlı monteneqrolu hücumçu yola salınacaq.
Futbolçunun “kimyaçılar”la yaya kimi müqaviləsi var. Amma klub rəhbərliyi mövsümün yarısında onunla anlaşmaya qarşılıqlı razılıq əsasında son verməyi düşünür.
