"Sumqayıt" futbol klubunun yeni baş məşqçisinin adına aydınlıq gəlib.
Sportinfo.az-ın məlumatına görə, "kimyaçılar"ı ukraynalı mütəxəssis Yuri Vernidub çalışdıracaq. 59 yaşlı mütəxəssislə bütün detallarda razılıq əldə olunub.
Təyinat qısa müddətdə ictimaiyyətə açıqlanacaq. Yuri Vernidubun son klubu “Krivbass” olub. Ona kimi isə Moldovada “Şerif”, Belarusda “Şaxtyor” və Ukraynada “Zorya” kimi komandaları idarə edib.
