“Sumqayıt” futbol klubu yoxlama matçı keçirib. Bu haqda 14 avqust tarixində Sumqayıt24 kluba istinadən məlumat verir.
Misli Premyer Liqasının 2-ci turunda "Sabah"la keçirilməli olan oyun təxirə salındığı üçün komanda yoxlama matçında MOİK-lə (Mərkəzi Ordu İdman Klubu) qarşılaşıb. “Kimyaçılar” rəqibinə 6:1 hesabı ilə qalib gəlib.
"Kapital Bank Arena"da keçirilən qarşılaşmada komandamızın heyətində Erik Sorqa het-trik edib, digər qolları isə Roi Kehat, Rövlan Muradov və Kamran Əliyev vurublar.
