“Sumqayıt” futbol klubu 2024-cü ilin son ev oyununa hazırlaşır.
Sumqayit24.az xəbər verir ki, Misli Premyer Liqasının 16-cı turu çərçivəsində "Sumqayıt" "Neftçi" PFK ilə qarşılaşacaq. Matç dekabrın 8-də saat 18:00-da Mehdi Hüseynzadə adına şəhər stadionunda keçiriləcək.
Oyun üçün biletləri iTicket.az saytından, 1 saylı Sumqayıt ASAN Xidmət mərkəzindən, oyun günü isə 14:00-dan etibarən adıçəkilən stadionun kassasından əldə etmək mümkündür. Biletlərin qiyməti sektorlardan asılı olaraq 2, 3, 5 və 10 manatdır.
