“Sumqayıt” futbol klubu heyətini daha bir oyunçu ilə gücləndirib. Bu barədə Sumqayıt24 27 oktyabr tarixində xəbər verir.
Komandamız son olaraq Banqladeşin “Şeyx Rassel” klubunda çıxış etmiş Riçard Qadze ilə 2023/24 mövsümünün sonuna qədər müqavilə imzalayıb. 28 yaşlı qanalı hücumçu 43 nömrəli forma ilə çıxış edəcək.
Futbolçu daha öncə “Zirə”də (2017-2018; 2019-2020) çıxış etmişdir. Karyera ərzində o, Hindistanın “Delhi Dinamo”, Finlandiyanın “HİK” (Helsinki), Rumıniyanın “Voluntari”, Moldovanın “Şerif” və İsrailin “Bney Saxnin” klublarının şərəfini qoruyub.
