Misli Premyer Liqasında milli komandaların oyunları ilə bağlı yaranan fasilə başa çatır və II dövrəyə start veriləcək. 12-ci turun matçları üç gün ərzində keçiriləcək.
Peşəkar Futbol Liqası turun ən diqqətçəkən qarşılaşmalarından olan "Sumqayıt" – "Qarabağ" oyununun statistikasını açıqlayıb. Komandalar ölkə çempionatları tarixində 52 dəfə qarşılaşıb. Bu görüşlərin balansı belədir: "Sumqayıt" – 8 qələbə, 5 heç-heçə, "Qarabağ" – 39 qələbə. Top fərqi isə 24-126 təşkil edir.
Son matç "kimyaçılar"ın qələbəsi ilə yekunlaşıb. "Qarabağ" son 2 səfərdə qalib gəlib.
Qeyd edək ki, komandalar arasında növbəti matç 21 noyabr saat 19:00-da Mehdi Hüseynzadə adına stadionda keçiriləcək.
