"Sumqayıt" - "Qarabağ" oyununa böyük maraq var.
Sumqayit24.az xəbər verir ki, artıq 7500 bilet satılıb. Biletləri iTicket.az, 1 saylı Sumqayıt ASAN Xidmət mərkəzi ilə yanaşı 15:00-19:00 arası Mehdi Hüseynzadə adına stadionun kassasından almaq olar. Satışda məhdud sayda, yalnız 2 manatlıq biletlər qalıb.
Qeyd edək ki, Misli Premyer Liqasının 12-ci turunun oyunu bu gün saat 19:00-da M.Hüseynzadə adına Sumqayıt şəhər stadionunda keçiriləcək.
