“Sumqayıt” - “Səbail” qarşılaşmalarına dair bəzi statistik göstəricilər açıqlanıb. Bu barədə 4 oktyabr tarixində Sumqayıt24 xəbər verir.
Klublar ölkə çempionatları çərçivəsində 18 dəfə üz-üzə gəliblər. Matçların 9-da “Sumqayıt”, 6-da isə rəqib qələbə qazanıb. Qalan 3 oyunda isə qalib müəyyənləşməyib.
Top fərqinə görə də “kimyaçılar” öndədirlər. Komandamız indiyədək 23 qol vurub, qapısında isə 14 top görüb. Ən çox fərqlənən futbolçumuz 4 qolla Əli Qurbanidir.
Bu arada, “Sumqayıt” tarixində ən böyük - 5:0 hesablı qələbəsini məhz “Səbail” üzərində qazanıb.
Xatırladaq ki, komandaların növbəti qarşıdurması 8 oktyabr tarixində baş tutacaq.
