“Sumqayıt” futbol klubunun Damian Daniçiç ilə müqaviləsi ləğv edilib. Sumqayıt24 bu barədə 12 dekabr tarixində xəbər verir.
22 yaşlı cinah müdafiəçisi bir müddət öncə əvəzedici heyətə göndərilib. Baş məşqçi Samir Abasovun imtina etdiyi legionerin müqaviləsinə qarşılıqlı razılıq əsasında xitam verilməsi istənilib. Rəhbərlik oyunçunu 2,5 ili qalan anlaşmanı pozmaq üçün məcbur etmək niyyətində idi.
Daniçiç Futbolinfo.az-a açıqlamasında bunları bildirib: “Mənə dedilər ki, ya özünə yeni komanda tap, get, ya da əvəzedici heyətdə oyna. Biz ödənişlə bağlı razılıq əldə edə bilmədik. Klub müqaviləni pozmaq istədi, amma razılaşmadıq. Hələ ki, burada gözləyəcəm. Mən müqaviləni pozmaq üçün cəmi iki ayın pulunu istədim. Razılaşmadılar, mən anlaşmanı pozmayacam”.
Açıqlamadan sonra klub rəhbərliyi növbəti dəfə futbolçu ilə danışıb və tərəflər ortaq məxrəcə gəliblər. Kiçik təzminatla kifayətlənən futbolçu “Sumqayıt”ı tərk edərək vətəninə yollanıb.
