“Sumqayıt” futbol klubu bu gün öz meydanında “Kəpəz”i qəbul edəcək.
Sumqayit24.az xəbər verir ki, komandalar çempionatda 31-ci dəfə qarşılaşacaqlar. “Kimyaçılar” ümumi statistika üzrə öndədir. Belə ki, “Sumqayıt”ın 12 qələbəsinə gəncəlilər 7 qalibiyyətlə cavab veriblər. Qalan 11 matçda bərabərlik qeydə alınıb.
“Kəpəz” bugünkü matçda fərqlənə bilərsə, ilk qolu sumqayıtlılarla oyunlarda vurulan 30-cu qol olacaq. “Kimyaçılar” isə bu duellərdə 37 dəfə rəqib qapısının torunu silkələyiblər.
Klublar arasında keçiriləcək son 5 oyunun nəticəsi:
20.12.24 - “Kəpəz” – “Sumqayıt” - 0:0;
03.08.24 - “Sumqayıt” – “Kəpəz” - 2:0;
04.05.24 - “Kəpəz” – “Sumqayıt” - 1:1;
01.03.24 - “Sumqayıt” – “Kəpəz” - 1:3;
14.12.23 - “Kəpəz” – “Sumqayıt” - 1:1.
Xatırladaq ki, Premyer Liqanın 26-cı turunun bu matçı bu gün saat 17:00-da Mehdi Hüseynzadə adına stadionda başlayacaq.
