"Sumqayıt" heyətini yeni transferlə gücləndirə bilər.
KİV-də yayılan xəbərlərə görə, özbəkistanlı Casurbək Cəlaleddinov klubun məşqində iştirak edib. Hətta yarımmüdafiəçinin artıq transfer olunduğu bildirilir.
Sumqayit24.az məlumatı dəqiqləşdirmək üçün “Sumqayıt”ın mətbuat katibi Zaur Xudiyevlə əlaqə saxayıb. Klubun sözçüsü Z.Xudiyev komandanın düşərgəsində belə bir futbolçunun olduğunu təsdiqləyib:
“Onunla hələlik rəsmi müqavilə imzalanmayıb. Danışqlar davam edir. Rəsmi müqavilə imzalanandan sonra elan olunacaq”.
Qeyd edək ki, 22 yaşlı Casurbekin son klubu ölkəsinin "Neftçi" komandası olub. O, həmçinin U-23 komandasının kapitanıdır. Əsas milli komandada da 1 oyun keçirib.
