“Sumqayıt” futbol klubu legionerlə razılaşıb. Sumqayıt24 bu haqda 19 dekabr tarixində Sportinfo.az-a istinadən xəbər verir.
Liberiyalı Terrens Tisdel bir müddətdir ki, komandanın düşərgəsindədir. 24 yaşlı hücumçu ilə yaxın zamanda 1,5 illik rəsmi müqavilənin imzalanacağı bildirilir. Burada o, hər ay 5000 dollar maaş alacaq.
Tisdel karyerası ərzində İsraildə “Hapoel” (Petah Tikva), Türkiyədə “Kocaelispor” və Rumıniyada “Botoşani”nin şərəfini qoruyub. Sentyabr ayından isə azad agent statusu daşıyır.
O, həmçinin Liberiya yığmasının formasında 13 oyunda 1 qol vurub.
