Sumqayıtda bir sıra idman tədbirləri keçirilib. Sumqayıt24 bu haqda 3 mart tarixində Gənclər və İdman Baş İdarəsinə (GİBİ) istinadən xəbər verir.
"İdman həftəsi" çərçivəsində 9, 12 və 33 nömrəli məktəblərdə cüdo və sərbəst güləş üzrə ustad dərsləri təşkil edilib. Dərslər müvafiq olaraq, para-cüdo üzrə Tokio-2020 Yay Paralimpiya Oyunlarının qalibi Vüqar Şirinli və sərbəst güləş üzrə Sinqapur 2010 Yeniyetmələrin Yay Olimpiya Oyunlarının gümüş mükafatçısı Kənan Quliyev tərəfindən keçirilib. Burada 200-ə yaxın şagird iştirak edib.
Bundan əlavə, 5 Mart - Bədən Tərbiyəsi və İdman Gününə həsr edilmiş mini-futbol yarışı baş tutub. “Kapital Bank Arena”da 11-12 yaşlı oğlanlar arasında keçirilən birincilikdə 8 komanda mübarizə aparıb. İxtisaslaşdırılmış Olimpiya Ehtiyatları Uşaq -Gənclər İdman Məktəbinin kollektivi 1-ci yerə layiq görülüb. Qalib və mükafatçılara fəxri fərmanlar verilib.
