“Sumqayıt” futbol klubunun rəhbərliyi “Kapital Arena” ilə bağlı yeni qərar qəbul edib. Belə ki, stadionun adı satışa çıxarılıb.
Sportinfo.az-ın məlumatına görə, səbəb “Kapital Bank”ın klubla əməkdaşlığı dayandırmasıdır. 10 ilə yaxın müddəti əhatə edən tərəfdaşlıq artıq bitib.
Adıçəkilən bankla işbirliyinin uzadılması yönündə aparılan danışıqlar nəticə vermədiyindən, “kimyaçılar” üzünü digər potensial partnyorlara çevirib.
Artıq o tərəfdaş tapılıb. Sözügedən məkan bundan sonra “SOCAR Polimer Arena” adlanacaq.
Neft şirkətinin nəzdində fəaliyyət göstərən zavodla rəsmi müqavilə imzalanıb.
