Sumqayıt Regional Voleybol Klubu (RVK) yeniyetmələr arasında daxili çempionat keçirib. Sumqayıt24 bu haqda 17 avqust tarixində xəbər verir.
Birincilikdə klubun tərkibinə daxil olan Qusar, Quba, Şabran, Sumqayıt, Xaçmaz və Siyəzən komandaları mübarizə aparıblar.
Oğlanlar arasında “Sumqayıt” kollektivi 1-ci, “Qusar-2” və “Qusar-1” isə müvafiq olaraq 2-ci və 3-cü yerləri bölüşdürüblər. Qızların yarışında “Qusar-2” çempion olub, 2-ci “Qusar-1”, 3-cü yeri isə “Quba” komandası tutub.
Qaliblərə diplom, medal və kuboklar təqdim olunub.
