“Sumqayıt” klubundan ayrılan futbolçu 3 aydan sonra Azərbaycana dönəcək.
Sportinfo.az-ın məlumatına görə, “Neftçi” ekvadorlu yarımmüdafiəçi Cordan Rezabala ilə təkrar danışıqlar masası arxasına əyləşib və bu dəfə razılığını ala bilib.
O, hələlik karyerasını Meksikada, II Liqa təmsilçisi “Dorados de Sinaloa”da davam etdirir..
25 yaşlı Cordan Sinaloa komandası ilə 4 aylıq icarə müqaviləsi imzalayıb. Ekvadorlu vaxtilə çıxış etdiyi ölkəyə budəfəki dönüşündə aylıq 8000 dollara sahiblənəcək.
Rezabala müqavilə ilə «Quayaquil Siti»yə məxsusdur. Onların “Dorados de Sinaloa” rəhbərliyi ilə sıx münasibətləri var. Bu anlaşma da iki klub arasında yaxınlığın nəticəsində gerçəkləşib.
“Dorados de Sinaloa” başbilənləri transfer dəyəri təxminən yarım milyon avro olan pleymeykerə böyük ümidlər bəsləyir və onun liderliyi ilə komandanın yüksək liqaya vəsiqə qazanacağına inanır.
