“Sumqayıt” futbol klubu 70-ci ev qələbəsini qazanıb.
Sumqayit24.az xəbər verir ki, yubiley qələbə Misli Premyer Liqasının 12-ci turuna, “Sabah”la ev oyununa (1:0) təsadüf edib.
Sumqayıtın eyniadlı təmsilçisi 70-ci qalibiyyətini 207-ci ev matçında əldə edib. Ölkə çempionatları tarixində 12 komanda öz meydanında 70 və daha çox görüşdə qalib gəlib.
Qeyd edək ki, “Sumqayıt”ın ilk ev qələbəsi 2011-ci il oktyabrın 30-da AZAL-la görüşə təsadüf edib – 2:1.
