Sumqayıt şəhəri üzrə həftənin idman afişası açıqlanıb. Bu haqda 19 dekabr tarixində Gənclər və İdman Nazirliyinə istinadən xəbər veririk.
Bu gün, “Sumqayıt gəncləri narkomaniyaya yox deyir” devizi altında basketbol üzrə şəhər birinciliyi start götürüb. Yarış 2008-2009, 2010-2011-ci il təvəllüdlü oğlanlar arasında keçirilir və 3 gün davam edəcək. Ünvan - 1 nömrəli İOEUGİŞM.
20-21 dekabr isə 31 Dekabr – Dünya Azərbaycanlılarının Həmrəyliyi Gününə həsr olunmuş cüdo yarışı keçiriləcək. Sumqayıt şəhər birinciliyində 2007-2008-ci il təvəllüldü yeniyetmələr mübarizə aparacaqlar. Açılış mərasimi saat 10:00-da Sumqayıt Olimpiya İdman Kompleksində baş tutacaq.
Dünya Azərbaycanlılarının Həmrəyliyi Günü ilə əlaqədar stolüstü tennis üzrə də şəhər birinciliyi olacaq. Burada 2006-2009, 2010-cu il və daha kiçik təvəllüldü yeniyetmələr yarışacaqlar. Birincilik 20 dekabr saat 10:00-da “Qarabağ” NN stolüstü tennis bazasında start götürəcək və iki gün davam edəcək.
