“Sumqayıt” klubunun bir sıra oyunçuları millinin matçına dəvət alıblar.
Sumqayıt24 AFFA-nın rəsmi saytına istinadən xəbər verir ki, 19 yaşadək futbolçulardan ibarət Azərbaycan millisi avqustun 31-dən sentyabrın 1-dək Bakıda, sentyabrın 2-dən 10-dək isə İspaniyanın Mursiya şəhərində təlim-məşq toplanışında olacaq. Hazırlıqda “kimyaçılar”ın futbolçuları Kənan Feyziyev, Nadir Orucov, Vüsal Paşayev, Sənan Muradlı, Nihad Əhmədzadə və Nihad Orucəli də iştirak edəcəklər.
U-19 toplanış zamanı üç yoldaşlıq görüşü keçirəcək.
Komanda sentyabrın 4-də Şotlandiya, iki gün sonra Niderland, sentyabrın 9-da isə Uelsin müvafiq yaş qrupundan ibarət seçməsi ilə üz-üzə gələcək.
