Sumqayıtda kross idman növü üzrə ümumtəhsil müəssisələri arasında şəhər birinciliyi keçirilib.
Sumqayit24.az xəbər verir ki, şəhərin 75 illik yubileyinə həsr olunmuş yarış Sumqayıt Bulvarında baş tutub.
Maraqlı və gərgin idman mübarizəsi şəraitində keçən birincilikdə Emil Həsənov (28 nömrəli tam orta məktəb) 1-ci, İsmayıl Novruzov (29 nömrəli tam orta məktəb) 2-ci, Elnur Xələfov 3-cü yerə layiq görülüb. Qalib və mükafatçılar diplom və medalla təltif edilib.
Turnir Abşeron-Xızı Regional Gənclər və İdman İdarəsi və Abşeron-Xızı Regional Təhsil İdarəsinin birgə təşkilatçılığı ilə reallaşıb.
