“Sumqayıt” futbol klubu çempionatın cari mövsümündə meydanlara 24 oyunçu ilə çıxıb.
Sumqayit24.az xəbər verir ki, 6 oyunçu geridə qalan 11 turun hamısında iştirak edib. Bunlar Elvin Bədəlov, Mehdi Cənnətov, Murad Xaçayev, Səbuhi Abdullazadə, Cordan Rezabala və Nikola Vuynoviçdir.
Aralarında 3-ü “kimyaçılar” üçün əvəzolunmaz hesab olunur. Belə ki, Bədəlov, Cənnətov və Xaçayev bütün görüşləri əvəzlənmədən keçiriblər. Komandanın sabiq baş məşqçisi Samir Abasov kimi, hazırda “Sumqayıt”ı çalışdıran Vaqif Cavadov üçün də bu 3 futbolçu çox dəyərlidir.
“Sumqayıt”da hələlik ən az meydan üzü görən oyunçu isə Kristian Velinovskidir. O, 2 oyunda ümumilikdə 15 dəqiqə qazona ayaq basıb.
