"Sumqayıt" klubu Qətərdə təmsil olunacaq. Sumqayıt24 bu haqda 29 avqust tarixində Rekord.az-a istinadən xəbər verir.
11 yaşadək futbolçulardan ibarət komandamız beynəlxalq turnirdə iştirak edəcəklər. İştirak dəvəti Qətərin "Aspire Academy" komandasından gəlib.
Sözügedən komanda bu yaxınlarda Qəbələdə böyük heyətlə təlim-məşq toplanışında olub və turnirdə iştirak edib. "Sumqayıt"la tanışlıq və ünsiyyət də burada yaranıb. Sumqayıtlıların oyununu bəyənən qətərlilər onları öz ölkələrindəki turnirdə görmək istəyiblər. "Sumqayıt Futbol Akademiyası"nın direktoru Hakan Sünal bildirib ki, turnir 4-11 noyabr tarixlərində keçiriləcək.
Dəvətlə bağlı rəsmi məktub artıq "Sumqayıt"ın ofisinə daxil olub. Akademiyanı U-11 komandası təmsil edəcək.
