"Fehervar" - "Sumqayıt" oyununu izləmək istəyən həmvətənlərimiz üçün elan var. Bu haqda 29 iyul tarixində Sumqayıt24 xəbər verir.
UEFA Konfrans Liqasının 2-ci təsnifat mərhələsinin cavab qarşılaşması çərçivəsində baş tutacaq matçı canlı izləmək üçün linkdən qeydiyyatdan keçə bilərsiniz. Qeydiyyatdan keçən azarkeşlər Azərbaycanın Macarıstandakı səfirliyi tərəfindən biletlə təmin olunacaqlar.
Qeyd edək ki, qarşılaşma iyulun 31-i saat 21:00-da “İdman TV”də canlı yayımlanacaq.
