"Sumqayıt" futbol klubunun müdafiəçisi Sərtan Taşkın Sportinfo.az-a müsahibə verib.
- "Sumqayıt" yenə məğlub oldu. Komandada nə baş verir?
- Nə deyəcəyimi bilmirəm. Əlimizdən gələni edirik, amma alınmır. Qol epizodlarından yararlana bilmirik. Əvəzində adi epizodlarda qollar buraxırıq. İnşallah, növbəti görüşdə qələbə qazanmaqla həm azarkeşlərimizi sevindirərik, həm də tilsimi qırarıq.
- Deməyə söz tapmadığını dedin. Bəs baş məşqçi oyundan sonra sizə deməyə hansı sözləri tapdı?
- Orada olan söhbətlər orada da qalır. Onu deyə bilərəm ki, baş məşqçimiz hər zaman bizim arxamızdadır. Bütün komanda bu vəziyyətdən çıxmaq istəyir.
- Qələbə bir yana, 11 oyundur qol vurmaq da müşkülə çevrilib. Bunun səbəbi nədir?
- Özümüz də niyəsini bilmirik.
- Karyeranda buna bənzər halla üzləşmisən?
- Yox, belə hal ilk dəfə qarşıma çıxır.
