“Sumqayıt” klubunun futbolçuları milliyə çağırılıblar.
Sumqayit24.az xəbər verir ki, Azərbaycanın 19 yaşadək futbolçulardan ibarət yığmasının Avropa çempionatının seçmə mərhələsi üçün heyəti açıqlanıb. U-19 noyabrın 6-dan 9-dək Bakıda təlim-məşq toplanışı keçəcək.
Komandaya dəvət edilən futbolçuların arasında “Sumqayıt”ın üzvləri Kənan Feyziyev, Nadir Orucov, Sənan Muradlı, Nihad Əhmədzadə və Nihad Orucəli də var.
Qeyd edək ki, Avropa çempionatının seçmə mərhələsində VII qrupda yer alan Elxan Abdullayevin baş məşqçisi olduğu kollektiv noyabrın 10-dan 20-dək Kişinyovda İslandiya, İrlandiya və Moldovanın müvafiq yaş qrupundan ibarət komandaları ilə qarşılaşacaq.
